خشتەى مووچە بڵاوکرایەوە
پووختەى هەواڵەکە
- وەزارەتى دارایی و ئابووریی هەرێمى کوردستان خشتەى مووچەى بڵاوکردەوە.
- دابەشکردنى مووچە لە ڕۆژى یەکشەممە، 11ـى تشرینى یەکەم بە خانەنشینانى شارستانى و پێشمەرگە دەستپێدەکات.
- لە ماوەى چوار ڕۆژدا مووچەى سەرجەم مووچەخۆرانى هەرێمى کوردستان دابەشدەکرێت.
- ڕۆژى چوارشەممە، 14ـى تشرینى یەکەم، کۆتایی بە دابەشکردنى مووچەى مانگى ئەیلولى مووچەخۆرانى هەرێمى کوردستان دێت.
کاتژمێر 4:54 خولەکى ئێوارەى ڕۆژى پێنجشەممە، 8ـى تشرینى یەکەم، وەزارەتى دارایی و ئابوورى هەرێمى کوردستان، خشتەى دابەشکردنى مووچەى بڵاوکردەوە، ئەمە دواى ئەوەى ئەمڕۆ وەزارەتى دارایی و ئابووریی فیدراڵ ڕایگەیاند، تەمویلى مووچەى فەرمانبەرانی هەرێمى کوردستانیان کردووە و بانکى ناوەندى لقى هەولێر، پارەى خستە سەر هەژمارى بانکى وەزارەتى دارایی و ئابووریی هەرێمى کوردستان.
شێوازى دابەشکردنى مووچەى مانگى ئەیلول
- لە ڕۆژى یەکشەممە، 11ـى تشرینى یەکەم بە خانەنشینانى شارستانى و پێشمەرگە دەستپێدەکات.
- لە ماوەى چوار ڕۆژدا مووچەى سەرجەم مووچەخۆرانى هەرێمى کوردستان دابەشدەکرێت.
- ڕۆژى چوارشەممە، 14ـى تشرینى یەکەم، کۆتایی بە دابەشکردنى مووچەى مانگى ئەیلولى مووچەخۆرانى هەرێمى کوردستان دێت.
بڕى تەمویلى مانگى ئەیلوول بە شێوەى مەقاسە
- 835 ملیار و 553 ملیۆن دینار نێردراوە.
- هاوشێوەی چەند مانگی ڕابردوو 120 ملیار دینار وەک پشکی گەنجینەی فیدراڵی لە داهاتی نانەوتی بڕدراوە.
- چوار ملیار و 961 ملیۆن دینار لە تەمویلی مووچەی مانگی ئەیلوول نەنێردراوە.
- ئەو پارەیە شایستەی مووچەی مانگەکانی ڕابردووی خانەنشینانی شارستانی و سەربازییە.
ئەوە لە کاتێکدایە، لە ماوەکانى ڕابردوودا، سروە محەممەد، ئەندامى ئەنجوومەنى نوێنەرانى عێراق، ئەوەى بۆ کەناڵ8 پشتڕاست کردبووەوە، زانیاریى ئەوەى لە کۆبوونەوەکەى وەزیرى دارایی عێراق و شاندى باڵاى هەرێمى کوردستان بە دەستگەیشتووە، کە فالح سارى گوتوویەتى ئەوە یەکلابووەتەوە لە ساڵى نوێدا مووچەى عێراق و هەرێمى کوردستان پێکەوە دەدرێت. ئاماژەى بەوەشکرد، بە کۆى گشتى 65 تریلیۆن بۆ مووچە دیاریکراوە.
زانیارى زیاتر بۆ تۆ
2 کاتژمێر پێش ئێستا