پووختەی هەواڵەکە

• فوئاد حسێن، وەزیرى دەرەوەى عێراق لەگەڵ تۆم باراک، باڵوێزی ئەمریکا لە تورکیا و نێردەی تایبەتیی ترەمپ بۆ کاروباری سووریا کۆبووەوە.
•  بە گوێرەى ڕاگەیێنراوى کۆبوونەوەکە، باس لە دۆخى دارایى و ئابووریى و گۆڕانکارییەکانى بەهاى دینارى عێراقى کراوە.

---

وەزارەتى دەرەوەى عێراق ڕاگەیێنراوێکى لەبارەى کۆبوونەوەکەى فوئاد حسێن، وەزیرى دەرەوەى عێراق و تۆم باراک، باڵوێزی ئەمریکا لە تورکیا و نێردەی تایبەتیی سەرۆکی ئەمریکا لە سووریا بڵاوکردەوە و ئاماژە بەوە کراوە کۆبوونەوەکە لە شارى ئیستانبوڵ لە تورکیا کراوە.

---

وەزارەتى دەرەوەى عێراق:

• لە کۆبوونەوەکەدا هەردوولا باسیان لە پەیوەندییەکانى نێوان عێراق و ئەمریکا کرد لە قۆناغى ئێستادا و لەدواى کۆتاییهاتنى ئەرکى هێزەکانى هاوپەیمانی نێودەوڵەتى.
• باسیان لە چۆنیەتى برەودان بە پەیوەندییەکانى نێوان هەردوولا لە قۆناغى ئایندەدا کردووە.
• لە کۆبوونەوەکەدا باس لە پەرەسەندنەکانى ناوچەکە و گرژییەکان و کاریگەرییان لەسەر ئاسایش و سەقامگیریى عێراق و وڵاتانى ناوچەکە.
•  لەگەڵ تاوتوێکردنى دۆخى دارایى و ئابووریى عێراق و پەرەسەندنەکانى پەیوەست بە بەهاى دینارى عێراقى.

کۆبوونەوەکەى وەزیرى دەرەوەى عێراق و تۆم باراک لە کاتێکدایە کە دوو ڕۆژ لەمەوبەر و لە هەمان شوێن و جێگە، تۆم باراک لەگەڵ ئەسعەد شەیبانی وەزیری دەرەوەی سوریا کۆبووەوە.

زانیاریی زیاتر بۆ تۆ

لە تانکەوە بۆ کۆمپانیا؛ عێراق و ئەمریکا قۆناغی نوێی پەیوەندییەکانیان ڕاگەیاند

تریلیۆنێک دۆلار بۆ ئاوەدانکردنەوە؛ وردەکاریی هاوبەشییە ستراتیژییەکەی عێراق و ئەمریکا