پووختەی هەواڵەکە

• وەزیرانی دەرەوەی سعودیە و ئێران بە تەلەفۆن دۆخی ناوچەکەیان تاوتوێکر
• عێراقچی: ئامادەین نێوەندگیری لەنێوان سعودیە و یەمەندا بکەین

---

وەزارەتی دەرەوەی سعودیە بڵاویکردووەتەوە، عێراقچی پەیوەندی بە بن فەرحانەوە کردووە، گفتوگۆیان لەبارەی دوایین پەرەسەندنەکانی ناوچەکە و هەوڵە دیپلۆماسییەکان کردووە بۆ تێپەڕاندنی دۆخەکە لەڕێگەی پەیوەندییە سیاسی و دیپلۆماسییەکانەوە.

---

شەڕی یەمەن

• وەزیرى دەرەوەی ئێران، ئامادەیی وڵاتەکەی بۆ نێوەندگیری و پێشکەشکردنی یارمەتی بۆ دەستپێکردنەوەی گفتوگۆ لەنێوان سعودیە و یەمەن دەربڕیووە، بۆ گەیشتن بە چارەسەرێکی سیاسی لەو وڵاتەدا.
• وەزیری دەرەوەی ئێران: ڕژدبوون لەسەر ڕێگەی سەربازی و فەرامۆشکردنی چارەسەری سیاسی، ئاڵۆزیی زیاتری دۆخەکەی لێدەکەوێتەوە.

ئەو پەیوەندییە تەلەفۆنییە وەزیرانی دەرەوەی سعودیە و ئێران لەکاتێکدایە، شەڕ و ئاڵۆزییەکانی نێوان سعودیە و حوسییەکان گەیشتووەتە لووتکە.

لە دوو ڕۆژی ڕابردوودا حوسییەکان چەندین هێرشیان کردووەتە سەر فڕۆکەخانە گرنگەکانی سعودیە و قوربانی لێکەوتووەتەوە.

زانیاریی زیاتر بۆ تۆ

لە هێرشی حوسییەکان بۆ سەر سعودیە 12 کەس کوژران

شەڕی بابولمەندەب؛ حکومەتی یەمەن دەڵێت پێشڕەویی کردووە و حووسییەکانیش ڕەتیدەکەنەوە