پووختەى هەواڵەکە

• کاردانەوەى گوتەکانى بافڵ جەلال تاڵەبانى لە دیدارى مێرى بەردەوامە.
• بەرپرسێکى باڵاى پارتى پێشوازى لە دەستپێشخەرییەکەى دەکات.
• بافڵ جەلال تاڵەبانى لەبارەى پێکهێنانی کابینەى دەیەم دەستپێشخەرى بۆ گفتوگۆ و ڕێککەوتن کرد.

---

لەو بارەیەوە هۆشیار سیوەیلی، بەرپرسی پەیوەندییەکانی دەرەوەی پارتی دیموکراتی کوردستان بە کەناڵ8ـی ڕاگەیاند، هەر دەستپێشخەری و قسەیەکی باش بەئاڕاستەی پێکهێنانی حکومەت و لێکنزیکردنەوەی لایەنەکان دەستپێشخەریی باشن، بەتایبەت کە لەلایەن بافڵ جەلال تاڵەبانی، سەرۆکی یەکێتیی نیشتمانیی کوردستانەوە بێت کاریگەرتر دەبێت. هیوایخواست، لە ڕۆژانی داهاتوودا ئەو دەستپێشخەرییە بکەوێتە بواری کردارییەوە.

---

ناوەڕۆکى لێدوانەکەى بافڵ جەلال تاڵەبانی لە دیدارى مێرى:

• کاک قوباد تاڵەبانی و کاک مەسرور بارزانی کۆبوونەوەی زۆر باشیان پێکەوە کردووە.
• دڵی یەکێتی بۆ دووبارە دانیشتن و لێکتێگەیشتن زۆر پاکە.
• دەبێت ئێمەش لە ناوخۆی خۆماندا ڕێککەوتن بکەین بۆ پاراستنی قەوارەکەمان.
• ئامادەی هەنگاوی کردارین لە پێناو بەرژەوەندیی باڵای گەلی کوردستان.

لە یەکەم ڕۆژی دیداری ساڵانەی مێری، بافڵ جەلال تاڵەبانی لە پانێڵێکدا بەناونیشانى "بونیادنانی کوردستانێکی بەهێزتر؛ یەکڕیزیی و ئاسایش و هاوبەشی هەرێمی" قسەى کرد و بە ڕوون و ڕاشکاوى چەندین پرسى گرنگى خستەڕوو.

زانیاریى زیاتر بۆ تۆ:

بافڵ جەلال تاڵەبانى بۆ پارتى: کێشەکانمان بچووکن و بە نیەتێکى پاکەوە وەرنەوە سەر مێزى گفتوگۆ

بافڵ تاڵەبانی لە دیداری مێری: بۆ ئێرانیش پرۆسەیەکی ئاشتی هاوشێوەی ئەوەی تورکیا دەستپێدەکەین