پووختەى هەواڵەکە:

• پەکەکە هەنگاوى زیاتر لە چوارچێوەى پرۆسەى ئاشتى دەنێت.
• بنکە و پێگەکانى لەناوچە سنوورییەکان چۆڵ دەکات.
• بۆ گواستنەوەى سەرکردەکانى تاوتوێى بژاردەى وڵاتى سێیەم دەکرێت.

---

ڕۆژنامەی تورکیا نزیک لە دەسەڵاتی وڵاتەکە، بە پشتبەستن بە سەرچاوە ئەمنییەکانی تورکیا، ژمارەیەک زانیاریی لەبارەی پرۆسەی چۆڵکردنی ئەشکەوت و کەمپەکانی پەکەکە و شێوازی گەڕانەوەی ئەندامانی پارتەکە بۆ تورکیا بڵاوکردووەتەوە.

---

زانیارییەکانی ڕۆژنامەى تورکیا:

• پەکەکە پاش مەتینا، کەمپەکانی لە هەریەک لە گارە و خواکوڕکیش چۆڵ دەکات.
• چۆڵکردنی ناوچەکان قۆناغ بە قۆناغ، بە چاودێریی دەزگای هەواڵگریی تورکیا (میت) و هەماهەنگیی حکومەتی هەرێمی کوردستان دەبێت.
• تاوەکو مانگی کانوونی دووەمی 2027 چۆڵکردنەکە تەواو دەبێت.
• پاش چۆڵکردنیشیان کەمپەکان خاپوور دەکرێن تاوەکو بەکار نەهێنرێنەوە.
• خاڵی کۆتایی و دوا کەمپی مانەوەی ئەندامانی پەکەکە قەندیل دەبێت.
• تەواوی ئەندامانی پارتەکە لە ناوچە جیاجیاکانەوە بۆ قەندیل دەکشێنەوە.
• پرۆسەی گەڕانەوە بۆ تورکیاش هەر لە قەندیلەوە دەبێت.
• هەر لە قەندیل دیاری دەکرێت چەند کەس دەبن و بە چ شێوەیەک دەگەڕێنەوە. لیستی ناوەکان دەدرێنە کۆنسوڵخانەکان و دەروازەکان.

هێزەکانى شنگال:

• پرۆسەی چەکدانان و تێکەڵکردنی هێزەکان لە شەنگال هاوشێوەی ئەوەی سووریا بەڕێوەدەچێت.
• ئەو ئەندامانەی پەکەکە لە شنگال ئەگەر بخوازن دەتوانن بگەڕێنەوە تورکیا و ئەگەر نا، دەتوانن لە شارەکە بمێننەوە.
• پاش ئەوەی پرۆسەکە تەواو دەبێت، تورکیا بنکەی سەربازیی باشیک-زێلکان چۆڵدەکات.

عێراق داواکارییەکەى ڕەتکردووەتەوە

بەگوێرەی زانیارییەکانى ڕۆژنامەکە، دەسەڵاتدارانی عێراق ڕەتیانکردووەتەوە میوانداریی سەرکردایەتیی پەکەکە لەسەر خاکی وڵاتەکە بکەن و  هەربۆیە لە ئێستادا، تاوتوێی وڵاتی سێیەم وەک بژاردەی گواستنەوەی بەرپرسانی باڵای پەکەکە دەکرێت.

زانیاریى زیاتر بۆ تۆ:

موراد قەرەیلان: هێزە تایبەت و نهێنییەکانمان لە شارە تورکییەکان دەکشێنینەوە

باخچەلی: پرۆسەی تورکیای بێتیرۆر لە ئایندەیەکی نزیکدا دەگاتە پایان