پووختەى هەواڵەکە:

• قوباد تاڵەبانى پێشوازى لە ڕاوێژکاری ئاسایشی نیشتمانیی بەریتانیا کرد.
• چەند پرسێکى گرنگیان تاوتوێکرد لەناویاندا پێکهێنانى حکومەت.
• پرسى ڕاهێنان بە هێزەکانى پێشمەرگە تاوتوێ کراوە.

---

قوباد تاڵەبانى جێگری سەرۆکى ئەنجوومەنى وەزیرانى کاربەڕێکەر لە هەولێر پێشوازى لە جۆناسان پاوڵ، ڕاوێژکاری ئاسایشی نیشتمانیی بەریتانیا کرد.

---

قوباد تاڵەبانى لەبارەى دیدارەکەوە:

•  گفتوگۆمان کرد لەبارەی چۆنێتی بەردەوامیدان بە هاوکاری و هەماهەنگییەکانی نێوانمان.
• بە تایبەت لە بوارەکانی ڕاهێنان بە هێزەکانی پێشمەرگە و زیاتر بە دامەزراوەییکردنی هێزە ئەمنی و هەواڵگرییەکانی هەرێمى کوردستان.
• هاوڕابووین پێکهێنانی حکومەتێکی بەهێز و یەکگرتوو لە هەرێمى کوردستان کاریگەری گرنگی دەبێت بۆسەر پاراستنی ئاسایش، سەقامگیریی عێراق و ناوچەکە.

پرسى کۆچ تاوتوێ کراوە

بەریتانیا یەکێکە لەو وڵاتانەى بەشێک لە هاونیشتمانییانى هەرێمى کوردستان کۆچى بۆ دەکەن، قوباد تاڵەبانى سەبارەت بە پرسی کۆچی نایاسایی، جەختیکردوووەتەوە لەسەر بەردەوامیدان بە هەماهەنگییەکان و کاری هاوبەش بۆ ڕێگریکردن لە کۆچی نایاسایی گەنجان.

زانیاریى زیاتر بۆ تۆ:

قوباد تاڵەبانى: یەکێتی بە سەرۆکایەتیی بافڵ تاڵەبانی پابەندە بە تەواوی بەڵێنەکانییەوە

قوباد تاڵەبانی: هەندێک لە بەربەستەکانى بەردەم پێکهێنانى حکومەت نەماون