وەزارەتی ناوخۆى عێراق: زیاتر لە نیو ملیۆن هاوڵاتی چەکەکانیان تۆمارکردووە
پووختەی هەواڵ
- ڕادەستکردنی 500 ملیۆن چەک لە لایەن هاوڵاتییانەوە
- سەرۆک هۆزەکانیش پشتگیری هەڵمەکەی حکومەت دەکەن
- بەشێوەی ئەلکترۆنی و مەیدانی چەک تۆمار دەکرێت
- سەکۆیەکی ئەلکترۆنی بۆ ئەو مەبەستە خراوەتە کار
وەزارەتى ناوخۆى عێراق: 845 نووسینگە بۆ تۆمارکردنی چەک لە سەرجەم پارێزگاکان کراونەتەوەلە عێراق هەڵمەتى تۆمارکردنى چەک و کۆکردنەوەى لە دەستى دەوڵەت چڕکراوەتەوە، بەشێوەى ئەلیکترۆنى و مەیدانى چەک تۆمار دەکرێت، بەرپرسێکیش دڵیخۆشە و دەڵێت "سەرۆک هۆزەکانیش پشتگیرییەکى زۆرى هەڵمەتەکەى حکومەت دەکەن".
لێدوانی سکرتێری نیشتمانی کۆکردنەوەی چەک
لیوا مەنسوور عەلى سوڵتان، سکرتێری لیژنەی نیشتمانی بۆ کۆکردنەوەى چەک لە دەستی دەوڵەت ڕایگەیاند، وەزارەتی ناوخۆ سەکۆیەکی ئەلیکترۆنی بەناوى "ئور" خستووەتە کار بۆ تۆمارکردنی چەکی هاوڵاتییان.
گوتیشى، زیاتر لە نیو ملیۆن هاوڵاتی عێراقی چەکەکانیان لە چوارچێوەی کارەکانی لیژنەی نیشتمانیی هەمیشەیی بۆ ڕێکخستنی چەک و کۆکردنەوەى لە دەستی دەوڵەتدا تۆمارکردووە.
کردنەوەی زیاتر لە 800 نووسینگەی تۆمارکردنی چەک
جەختیشى لەسەر ئەوەکردەوە، 845 نووسینگەی تایبەت بە تۆمارکردنی چەک لە سەرجەم پارێزگاکان کراونەتەوە، کە ئەرکی پشکنین و تۆمارکردنی چەکەکان بە بێبەرانبەر جێبەجێ دەکەن.
دەشڵێت، لەسەرەتاى ئەمساڵەوە لەلایەن هاوڵاتییانەوە پێشوازییەکى باش لە هەڵمەتەکەى حکومەت بو تۆمارکردنى چەکەکانیان کراوە.
کاریگەریی پشتیوانی هۆزەکان
ئاماژەى بەوەش کرد، هۆزە عێراقییەکانیش هاوکارێکى باش بوون لە سەرخستنی هەڵمەتەکەى حکومەت و زیاتر لە 600 سەرۆک هۆز دەرگاى دیوەخانەکانیان بۆ لیژنەکە واڵا کردووە بۆ ئەوەى ئەندامانى هۆزەکانیان چەکەکانیان بە فەرمى تۆمار بکەن.
زانیاری زیاتر بۆ تۆ
https://channel8.com/kurdish/news/218174
https://channel8.com/kurdish/news/143024
2 کاتژمێر پێش ئێستا