گرووپی شانۆی هەوار لە تونس نوێنەرایەتیی عێراق دەکەن
حەسەن فەلاح 2 کاتژمێر پێش ئێستا
- هەشتی ئاب شانۆیی لەودیو دەرگا داخراوەکان لە تونس نمایش دەکرێت
- شانۆییەکە بە زمانی عەرەبییە و خانمێکی کورد ڕۆڵگێڕە سەرەکییەکەیەتی
- گرووپی هەوار پاش ئەم فێستیڤاڵە ڕوو لە ڕووسیا دەکات
زانیارییەک گەیشتووەتە کولتووری کەناڵ8، گرووپی شانۆی هەوار لە کەرکووک، ئامادەکاریی دەکەن بۆ بەشداریکردن لە فێستیڤاڵی زانکۆکانی جیهان لە وڵاتی تونس و گرووپەکە نوێنەرایەتیی عێراق دەکەن.
ئەوەی پێویستە بیزانیت:
- هەشتی ئاب لە شاری مونستێر لە تونس بەڕێوەدەچێت
- ماوەی هەشت ڕۆژ دەخایەنێت
- 15 گرووپ لە 15 زانکۆی جیهانەوە بەشداری دەکەن
- گرووپی هەوار بە شانۆیی "لەودیو دەرگا داخراوەکانەوە"ی زانکۆی کیتاب نوێنەرایەتیی عێراق دەکەن و لە ڕۆژی کردنەوەدا نمایش دەکەن
لەبارەی شانۆیی "لەودیو دەرگا داخراوەکانەوە":
- بە زمانی عەرەبییە
- سێ ئەکتەر تیایدا بەشدارن
- خانمە ئەکتەرێک ڕۆڵگێری سەرەکییە
- باسی توندوتیژیی مرۆڤە لەناو کۆمەڵگەدا
- سەر بە ژانرای سایکۆ درامایە
- لە نووسینی مەلا ئەحمەد و سینۆگرافیا و دەرهێنانی نەژاد نەجمە
- ماوەکەی 45 خولەکە و شانۆییەکی چارەسەرییە
- چوار بانگهێشتنامەی ئەورووپی و عەرەبی پێ گەیشتووە
- لە داهاتوودا لە کوردستان و عێراق نمایش دەکرێت
فێستیڤاڵی زانکۆکانی جیهان بۆچی گرنگە؟
- وڵاتە گەورەکانی جیهان لەوانە ئەمریکا، کۆڵۆمبیا و وڵاتانی کەنداو بەشدارن تیایدا
- هەلێکە بۆ ناساندنی توانای ئەکادیمییانە لە بواری شانۆی زانکۆکاندا
چەند زانیارییەکی دیکە:
- پاش ئەم فێستیڤاڵە گرووپی هەوار ڕوو لە ڕووسیا دەکەن
- بە شانۆیی سەلمە بەشدار دەبن لە فێستیڤاڵێکی ئیڤانۆڤۆ
- لەم فێستیڤاڵەدا نوێنەرایەتیی کوردستان و عێراق دەکەن
زیاتر بزانە:
https://channel8.com/kurdish/news/186348
حەسەن فەلاح
2 کاتژمێر پێش ئێستا