کەناڵ8 ووردەکارى زیادکردنى مووچەى کەسوکارى شەهیدان ئاشکرا دەکات
ئارام قەرەداغی 1 کاتژمێر پێش ئێستا
پوختەى هەواڵەکە
- ڕەشنووسى یاداشتێکى لێکتێگەیشتن لە وەزارەتى شەهیدان و دەزگاى شەهیدانى حکومەتى فیدراڵ ئامادەکراوە و بە گوێرەى ڕەشنووسەکە مووچەى کەسوکارى شەهیدان زیاد دەکرێت.
- مووچەى شەهیدى سەنگەر بۆ یەک ملیۆن و 200 هەزار زیاد دەکرێت.
- مووچەى شەهیدى هاونیشتمانی دەکرێتە 600 هەزار دینار.
ئەحمەد مام ڕەسوڵ، بەڕێوەبەری گشتیی خزمەتگوزاری کەسوکاری شەهیدان لە وەزارەتی کاروباری شەهیدان و ئەنفالکراوان بە کەناڵ8ـی ڕاگەیاند، ئەو ڕەشنووسەى ئامادەکراوە لە پاش سەردانى شاندێکى وەزارەتى شەهیدان بۆ بەغداد دێت، شاندەکە لەگەڵ سەرۆکوەزیران و سەرۆکى دەزگاى شەهیدانى حکومەتى فیدراڵ کۆبوونەوە و پێیان گوتوون ناکرێت جیاوازى لە ماف و شایستەکانى کەسوکارى شەهیدان بکرێت.
ناوەڕۆکى ڕێککەوتن و بڕیارەکە
- سەرۆکى دەزگاى شەهیدان بڕیاریداوە بەشى یاسایی دەزگاى شەهیدان بنێرێتە هەولێر بۆئەوەى ڕەشنووسێک پێکەوە ئامادەبکرێت.
- تاوەکو سەرجەم کەسوکارى شەهیدان هاوشێوەى هاوتاکانیان لە حکومەتى فیدراڵ ماف و شایستەکانیان بۆ دابین بکرێت.
- پێشتر ئەوەکراوەتە بیانوو کە لەهەرێمى کوردستان و حکومەتى فیدراڵ کار بە یاساى جیاواز دەکرێت.
- ئەحمەد مام ڕەسوڵ: شاندەکەى بەغداد ڕۆژى پێنج شەممە هاتنە هەولێر لە کۆبوونەوەیەکى چەند کاتژمێرى ڕەشنووسى یاداشتى لێکتێگەیشتن ئامادەکرا.
- بەگوێرەى ڕەشنووسەکە مووچەى شەهیدى هاونیشتمانی لە 250 هەزار دینارەوە دەکرێتە 600 هەزار دینار و مووچەى شەهیدى سەنگەر دەکرێتە یەک ملیۆن و 200 هەزار دینار.
- ئەحمەد مام ڕەسوڵ: بڕیار لە یەکخستنى یاسا و ڕێنماییەکان دراوە و لەمەودوا پرۆژەیاساکان بەهاوبەشى ئامادەدەکرێت.
- ئەحمەد مام ڕەسوڵ: دەبێت حکومەتى فیدڕاڵ ڕێز لە یاسا و ڕێنماییەکانى هەرێمى کوردستان بگرێت.
- ئەحمەد مام ڕەسوڵ: لە ڕەشنووسەکە باس لەبابەتى گۆڕە بەکۆمەڵەکان و بوونى هەماهەنگى بۆ هەڵدانەوەیان کراوە.
- ئەحمەد مام ڕەسوڵ: ئەو ڕەشنووسەى ئامادەکراوە، دەبێتە ڕێککەوتن و یاداشتى لێکتێگەیشتنى نێوان وەزارەتى کاروبارى شەهیدان و ئەنفالکراوانى هەرێمى کوردستان و دەزگاى شەهیدانى حکومەتى فیدراڵ.
- لە پاش واژۆکردنى لە لایەن هەردوولاوە دەخرێتە بوارى جێبەجێکردنەوە.
ئەوە لە کاتێکدایە، بە گوێرەی راپۆرتێكی وەزارەتی دارایی هەرێمی كوردستان، ژمارەی شەهیدان و ئەنفالكراوان 81 هەزار كەسن و (6.99%)ـی مووچەخۆران پێكدەهێنن و بڕی شایستەی مانگانەیان 56 ملیار و 766 ملیۆن دینارە.
زانیار زیاتر بۆ تۆ
https://channel8.com/kurdish/news/215763
ئارام قەرەداغی
1 کاتژمێر پێش ئێستا