پووختەی هەواڵەکە:

• نێچیرڤان بارزانى: ئامادەى هاوکاریکردنى دەستەى دەستپاکى و لایەنە دادوەرییەکانین

• گفتوگۆکراوە لەسەر بەهێزکردنی هاوکاری و هەماهەنگی نێوان دەستەی دەستپاکیی فیدراڵی و لایەنە پەیوەندارەکانی هەرێمی کوردستان.

• جەختکردنەوە لەسەر گرنگیی سەربەخۆیی دامەزراوەکانی دەستپاکی و ڕۆڵیان لە چەسپاندنی سەروەریی یاسادا.

---

نێچیرڤان بارزانی، سەرۆکی هەرێمی کوردستان، لەگەڵ محەممەد عەلی مفتن، سەرۆکی دەستەی دەستپاکیى فیدراڵی کۆبووەوە و ئامادەیی هەرێمى کوردستانى بۆ هەماهەنگى لەگەڵ دامودەزگا فیدراڵییەکان پیشاندا.

---

ڕاگەیێنراوی سەرۆکایەتی هەرێمی کوردستان

بەگوێرەى ڕاگەیێنراوێکى سەرۆکایەتیی هەرێمى کوردستان، ئەحمەد ئەنوەر، سەرۆکی دەستەی دەستپاکی لە هەرێمی کوردستان لە کۆبوونەوەکە ئامادەبووە، تیایدا بەهێزکردنی هاوکاری و هەماهەنگیی نێوان دەستەی دەستپاکیى فیدراڵی و لایەنە پەیوەندیدارەکانی هەرێمی کوردستان تاوتوێ کرا و هەردوولا جەختیان لەسەر گرنگیی سەربەخۆیی دامەزراوەکانی دەستپاکی و ڕۆڵیان لە چەسپاندنی سەروەریی یاسادا کردەوە.

 جەختکردنەوە لە ئامادەیی هەرێمی کوردستان بۆ هەموو هاوکارییەک

لە کۆبوونەوەکەدا نێچیرڤان بارزانى جهختیکردەوه، هەرێمی کوردستان ئامادەی هەموو هاوکاری و هەماهەنگییە لەگەڵ دەستەی دەستپاکیى فیدراڵی و هەموو لایەنەکانی دادوەری لەپێناو پاراستنی یاسا و سەربەخۆیی دامەزراوەکان و دەسەڵاتی دادوەریدا.

کۆبوونەوەکەى نێچیرڤان بارزانى و سەرۆکى دەستەى دەستپاکى فیدراڵى لەپاش دەستگیرکردنى چەند تۆمەتبارێک لە هەولێر دێت کە تۆمەتبارى دۆسیەى گەندەڵى بوون و لە پاش دەستگیرکردنیان دەست بەسەر حەوت ئۆتۆمبێل و 20 ملیۆن دۆلار و 60 کیلۆ زێڕ گیرا.

زانیاری زیاتر بۆ تۆ

دەستەی دەستپاکی لێکۆڵینەوە لە بەقاچاخبردنی بەنزینی کەرکووک دەکات

دەستەی دەستپاکی 34 تۆمەتباری لە ئەنبار و تۆڕێکی گەورەی لە زیقار ئاشکرا کرد

دەستەی دەستپاکیی عێراق: لە مانگی تەمموزدا 75 کەس دەستگیرکراون