هەواڵەکانی مەلیک مەحموود لە ڕۆژنامە ڕووسییەکاندا چاپ دەکرێت
- بۆ یەکەمجارە هەواڵەکانی مەلیک مەحموود لە ڕۆژنامەکانی سەردەمی بەلشەفیکەکاندا چاپ دەکرێن
- هەواڵەکان دەگەڕێنەوە بۆ ساڵانی 1919 بۆ 1930
- ڕێکخراوی گەشەپێدانی مەدەنییەت دەیکات بە کتێب
ئەم کتێبە بە ناونیشانی "هەواڵ و لێکدانەوەی ڕۆژنامەکانی ڕووسیا بۆ مەلیک مەحموود لە نێوان ساڵانی 1919 – 1930" چاپدەکرێت.
لەم کتێبەدا:
- هەواڵ و شیکاریی ڕۆژنامە ڕووسییەکان دەخرێنە ڕوو
- زیاتر لە 80 هەواڵ و لێکدانەوە لەخۆدەگرێت
- ئەو هەواڵانەن کە لەبارەی جوڵانەوەکانی مەلیک مەحموود بڵاوکراونەتەوە
بە گوتەی ڕۆژە مەحموود، بەڕێوەبەری پڕۆژەکانی ڕێکخراوی گەشەپێدانی مەدەنییەت CDO و ئەندامی بۆردی باڵای دامەزراندنی مۆزەخانەی مەلیک مەحموود: کتێبەکە لەلایەن م. کەیوان سدیق محەممەد، مامۆستا لە زانکۆی سلێمانی، ئامادەکراوە و بڕیارە لە دوو مانگی داهاتوودا، بخرێتە بەردەستی خوێنەران.
کتێبەکە بەنزیکەی هەموو هەواڵەکانی مەلیک مەحموود لەخۆدەگرێت، لەوانە هەواڵی ڕۆژنامە گەورەکانی ئەو سەردەمەی ڕووسیا وەکو براڤدا و زاریا ڤەستۆکا؛ تێڕوانینی ڕووسیا پیشان دەدات سەبارەت بە مەلیک مەحموود و هەوڵەکانی بۆ دامەزراندنی حوکمڕانییەکی نیشتمانی بۆ کورد.
کەیوان سدیق
ئەم کتێبە، لە چوارچێوەی دامەزراندنی مۆزەخانەی مەلیک مەحموود بڵاودەکرێتەوە، کە ئێستا ڕێکخراوی گەشەپێدانی مەدەنییەت CDO سەرقاڵی دامەزراندنیەتی.
زیاتر بزانە:
کارەکانی دروستکردنی مۆزەخانەی مەلیک مەحموود بەردەوامن
یەکەم بەرهەمی مۆزەخانەی مەلیک مەحموود چاپکرا
دوو کتێبی نوێ لەبارەی مێژووی سلێمانی و مەلیک مەحموود چاپ دەکرێن
3 کاتژمێر پێش ئێستا