هاتوچۆ بۆ شۆفێران: بە درۆ داوای پارەی سزای هاتوچۆتان لێکراوە
پووختەی هەواڵەکە:
- هاتوچۆ بۆ شۆفێران: کورتەنامەی سزای دارایی بە زمانی عەرەبی فێڵە.
- ئەم بابەتە هیچ پەیوەندییەکی بە بەڕێوەبەرایەتییەکانی هاتوچۆوە نییە و پەیامێکی نایاساییە بۆ فێڵکردن و پارەکێشانەوەیە.
- هاتوچۆی هەرێمى کوردستان داوا لە شۆفێران دەکات بە هیچ شێوەیەک وەڵامی ئەو نامانە نەدەنەوە و هیچ بڕە پارەیەک لەو ڕێگەیەوە نەنێرن.
بەڕێوەبەرایەتیی گشتیی هاتوچۆی هەرێمی کوردستان هۆشدارییەکی بەپەلە دەداتە هاونیشتمانییان و شۆفێران لەبارەی بڵاوبوونەوەی کورتەنامەیەکی مۆبایل بە زمانی عەرەبی، کە تێیدا بە درۆ داوای پارەی سزای هاتوچۆ لە شۆفێران دەکرێت.
بەڕێوەبەرایەتیى هاتوچۆ ڕوونیکردووەتەوە ئەم بابەتە هیچ پەیوەندییەکی بە بەڕێوەبەرایەتییەکانی ئەوانەوە نییە و پەیامێکی نایاساییە بۆ فێڵکردن و پارەکێشانەوەیە.
ناوەرۆکی ئەو کورتە نامەیەی بۆ هاونیشتمانیان چووە
بەگوێرەى بەڕێوەبەرایەتییەکە، ژمارەیەک هاونیشتمانی کورتەنامەیان پێگەیشتووە کە تێیدا هاتووە: "سەرپێچی هاتوچۆتان کردووە و دەبێت لە ماوەی 48 کاتژمێردا بیبژێرن، بە پێچەوانەوە سزای دواکەوتنەکەی دەکەوێتە سەر و دوای 30 ڕۆژ دۆسیەکەتان دەدرێتە دادگا."
هاتوچۆی هەرێمى کوردستان داوا لە شۆفێران دەکات بە هیچ شێوەیەک وەڵامی ئەو نامانە نەدەنەوە و هیچ بڕە پارەیەک لەو ڕێگەیەوە نەنێرن.
پلاتفۆڕکی سزای ڕاستەقینە بۆ وەرگرتنی زانیاری دروست
هەروەها جەخت دەکاتەوە، بۆ زانینی سزای ڕاستەقینە و وەرگرتنی زانیاری دروست، شۆفێران تەنیا پشت بە ماڵپەڕی فەرمی بەڕێوەبەرایەتییەکانی هاتوچۆ و پلاتفۆرمی KRD Pass ببەستن.
زانیاری زیاتر بۆ تۆ
هاتوچۆى سلێمانى: دەستبەسەر 900 ماتۆڕسکیلی بێسەرەتادا گیراوە
ماتۆڕسکیلە بێسەرەتاکان ساڵانە 2 ملیار دینار زیان بە هاونیشتمانییان دەگەیەنن
بەهمەن عەبدوڵا: پێشنیازمان کردووە شێوازى پارەدان لە بەڕێوەبەرایەتی هاتوچۆ بکرێت بەئەلیکترۆنى
هەولێر و بەغداد لەسەر ئاڵوگۆڕی سزای هاتوچۆی شۆفێران ڕێککەوتن
1 کاتژمێر پێش ئێستا