پووختەی هەواڵەکە

• وەزارەتی کارەبا بۆ تاوتوێکردنی داشکاندنی قەرزی کۆن و پڕۆژەی ڕووناکی کۆبوونەوەیەکی تایبەت ئەنجام دەدات.

• لە ماوەی مانگی ڕابردوودا بڕی 300 ملیار دینار لە قەرزی کۆنی هاوبەشانی کارەبا بۆ حکومەت گەڕاوەتەوە.

• وادەی داشکاندنی قەرزی کارەبا تاوەکو 10ـی ئەم مانگە بەردەوام دەبێت و درێژکردنەوەشی لای ئەنجوومەنی وەزیرانە.

---

بەگوێرەی زانیارییەک، کە بە کەناڵ8 گەیشتووە، وەزارەتی کارەبا ڕۆژی دووشەممە بۆ تاوتوێکردنی پرسی قەرزی کۆنی کارەبا پێش پڕۆژەی ڕووناکی کۆدەبێتەوە. سەرچاوەیەک لە وەزارەتەکە ئاماژەی بەوە کردووە، تاوەکو ئێستا زیاتر لە 300 ملیار دینار قەرز دراوەتەوە و بڕیارە ڕاپۆرتێک بۆ ئەنجوومەنی وەزیران بنێردرێت.

---

وردەکاریی کۆبوونەوەکە و داتای قەرزەکان

• کۆبوونەوەی ئەنجوومەنی وەزارەت بۆ خستنەڕووی دوایین داتاکانی گەڕانەوەی قەرزی کۆن و پڕۆژەی ڕووناکی دەبێت.

• پێشبینی دەکرێت تاوەکو 10ـی ئەیلول بڕی 100 ملیار دیناری دیکە لە قەرزی کۆنی کارەبا بۆ خەزێنەی حکومەت بگەڕێتەوە.

• لە بەڕێوەبەرایەتییەکانی کارەبای پارێزگاکان لۆدێکی زۆر هەیە و هاووڵاتییان بۆ سوودمەندبوون لە داشکاندنەکە لە نۆرەدا وەستاون.

• ڕاپۆرتی کۆتایی وەزارەت دوای 10ـی ئەیلول ئامادە دەکرێت و تێیدا بڕی قەرزی لای هاوبەشانی کارەبا بە وردی دیاری دەکرێت.

داهاتووی پڕۆژەی ڕووناکی و کاتی داشکاندن

لە چوارچێوەی پڕۆژەی ڕووناکیدا ئێستا 85%ـی هاوبەشان 24 کاتژمێر کارەبایان هەەیە و بڕیارە تاوەکو کۆتایی ساڵی 2026 پڕۆژەکە سەرجەم هاوبەشان بگرێتەوە. سەبارەت بە درێژکردنەوەی وادەی داشکاندنەکە، وەزارەتی کارەبا جەختی کردووەتەوە کە تاوەکو ئێستا بڕیارەکە وایە درێژ نەکرێتەوە، چونکە تەنیا ئەنجوومەنی وەزیرانی هەرێمی کوردستان دەسەڵاتی درێژکردنەوەی هەیە و وەزارەت تەنیا لایەنی جێبەجێکارە.

زانیاریی زیاتر لەسەر بابەتەکە

بڕیاری داشکاندنی قەرزی کۆنی کارەبا لە 3ـی ئابی ڕابردووەوە دەستی پێکردووە و بڕیارە تاوەکو 10ـی ئەیلول کە دەکاتە پێنجشەممەی ئەم هەفتەیە بەردەوام بێت. پڕۆژەی ڕووناکی جەخت لەوە دەکاتەوە ئەمە دوایین دەرفەتە بۆ هاوبەشان تاوەکو سوودمەند بن لە داشکاندنی قەرزەکانیان پێش ئەوەی پڕۆژە نوێیەکە هەمووان بگرێتەوە. وەزارەتی کارەبا بە وردی چاودێری داتاکان دەکات بۆ ئەوەی ڕاپۆرتی کۆتایی لەبارەی بڕی پارەی گەڕاوە و ئەو قەرزانەی لای هاوبەشان ماون، ئاڕاستەی حکومەت بکات.

زانیاریی زیاتر بۆ تۆ

ئی-پسوولە: داشکاندنی 50%ـی قەرزی کارەبا کۆتایی دێت

هاوبەشانی کارەبا مانگێکیان لەبەردەمدایە بۆ سوودمەندبوون لەداشکاندنی قەرزی کارەبا

دواکەوتنی پسووڵەی کارەبا بارگرانی بۆ هاونیشتمانییانی دهۆک دروست دەکات

مەرجێکی نوێ بۆ داشکاندنی نیوەی قەرزی کارەبا؛ دەبێت پارەکە بە یەکجار بدەیتەوە

ئەنجوومەنی وەزیران: داشکاندنی 50% بۆ قەرزی کارەبا و 20% بۆ سزاکانی هاتوچۆ کرا