پووختەی هەواڵەکە:

• سیستمی پەیڕۆڵ بۆ تۆمارکردنی لیستی مووچەی مانگی ئەیلول کارا کراوە.

• هەزار و 189 یەکەی ژمێریاری لە هەرێمی کوردستان لیستەکانیان ئامادە دەکەن.

• بەڕێوەبەری بایۆمەتریی دهۆک دەڵێت لیستەکە لە ماوەی سێ ڕۆژدا تەواو دەکرێت.

• تەموویلی مووچەی مانگی ئاب سەرەتای هەفتەی داهاتوو لە بەغدادەوە ڕەوانە دەکرێت.

---

زانیارییەک گەیشتووەتە کەناڵ8 کە لە کاتێکدا مووچەخۆرانی هەرێمی کوردستان هێشتا چاوەڕوانی گەیشتنی پارەی مانگی ئابن لە بەغدادەوە، فەرمانگە داراییەکان دەستیان بە ئامادەکردنی لیستی مانگی ئەیلول کردووە؛ خستنەگەڕی سیستمی پەیڕۆڵ بۆ 1,189 یەکەی ژمێریاری وەک هەوڵێکە بۆ تەواوکردنی خێرای ڕێکارەکان لە ماوەی کەمتر لە هەفتەیەکدا بە مەبەستی کەمکردنەوەی ماوەی دواکەوتنی مووچە.

---

بەرپرسانی سیستمی بایۆمەتری لە هەرێمی کوردستان ڕێکارە هونەرییەکانیان لەم خاڵانەدا دیاریکرد:

• کاراکردنی سیستمی پەیڕۆڵ لە ڕۆژی یەکشەممەوە و ئاگادارکردنەوەی سەرجەم 1,189 یەکەی ژمێریاری بۆ پێشکەشکردنی داتاکان.

• تەواوکردنی ئامادەکردنی لیستەکان لە ماوەی 3 ڕۆژ بۆ هەفتەیەک ئەگەر یەکە ژمێریارییەکان لەکاتی خۆیدا داتاکان بنێرن.

• نەبوونی هیچ گۆڕانکارییەکی بنەڕەتی لە لیستی مووچەی مانگی ئەیلول بەراورد بە مانگی پێشوو.

• ئامادەکردنی جیاوازی لیستی مووچەی خاوەن پێداویستیی تایبەت و کەسوکاری شەهیدان لە دەرەوەی سیستمی ئاسایی.

• ڕەوانەکردنی لیستەکان بۆ گەنجینەی پارێزگاکان بە مەبەستی وردبینیکردن پێش ناردنیان بۆ وەزارەتی دارایی عێراق.

پارەی مووچەی مانگی ئاب:

دۆسیەی خەرجکردنی مووچەی مانگی ئاب لە بەغداد پەیوەستە بە تەواوبوونی دابەشکردنی مووچەی ناوخۆی عێراق؛ بەپێی بەدواداچوونەکانی کەناڵ8، وەزارەتی دارایی فیدراڵ سەرەتای هەفتەی داهاتوو پارەی مووچەی مانگی ئاب بۆ هەرێمی کوردستان دەنێرێت، هاوکات دوای گەیشتنی پارەکە خشتەی دابەشکردن ڕادەگەیەنرێت و شاندی تەکنیکیی هەرێمیش لە بەغداد بەردەوام دەبن لە وردبینیکردنی لیستی مووچەی مانگی ئەیلول.

زانیاریی زیاتر بۆ تۆ:

وەزارەتی دارایی لیستی مووچەی مانگی 8ـی ڕادەستی بەغداد کرد

وردەکارییەکانی پشکی بودجەی هەرێمی کوردستان لە بودجەی عێراق دا

جیاوازیی مووچەی هەرێم و بەغداد گەیشتووەتە بەرزترین ئاست

زانیاریى کەناڵ8: شایستەى دارایى هەرێمى کوردستان لەبودجە 29 تریلیۆن دینارە