پێشبینیی کەشوهەوای 48 کاتژمێری داهاتوو لە هەرێمی کوردستان
پووختەی هەواڵەکە:
- بەڕێوەبەرایەتیی کەشناسی پێشبینیی کەشوهەوای 48 کاتژمێری داهاتووی لە هەرێمی کوردستان بڵاوکردەوە.
- پلەکانی گەرما جێگیر دەبن و لە گەرمیان بەرزترین پلە دەگاتە 43 بۆ 44 پلەی سیلیزی.
- ئاسمان بە گشتی ساماڵ دەبێت و لە کاتەکانی ئێوارەدا دەگۆڕێت بۆ نیمچە هەور.
- خێرایی با لەسەرخۆ بۆ مامناوەند دەبێت و ئاراستەکەی بەرەو باکووری خۆرئاوا دەبێت.
بەپێی پێشبینییەکانی بەڕێوەبەرایەتیی کەشناسی، لە 48 کاتژمێری داهاتوودا کەشوهەوای هەرێمی کوردستان بە گشتی ساماڵ و جێگیر دەبێت و پلەکانی گەرما لە تۆمارەکانی پێشوو نزیک دەبنەوە. لە هەندێک ناوچەدا لە کاتەکانی ئێوارە پەڵەهەور و نیمچە هەور دروست دەبێت، هاوکات نزمترین پلەی گەرما لە حاجی ئۆمەران و بەرزترینیش لە گەرمیان تۆمار دەکرێت.
کەشوهەوا و پلەکانی گەرمای ئەمڕۆ شەممە (12-09-2026)
- ئاسمان بە گشتی ساماڵ دەبێت و لە کاتەکانی ئێوارەدا لە هەندێک ناوچە دەگۆڕێت بۆ پەڵەهەور و نیمچە هەور.
- خێرایی با لە نێوان 10 بۆ 20 کم/ک دەبێت بە ئاراستەی باکووری خۆرئاوا و مەودای بینین لە نێوان 8 بۆ 10 کیلۆمەتر دەمێنێتەوە.
- پلەکانی گەرما نزیک دەبنەوە لە تۆمارەکانی دوێنێ؛ لە هەولێر، هەڵەبجە، زاخۆ، ئاکرێ و چەمچەماڵ 38 پلە، سلێمانی و دهۆک 37 پلە، و پیرمام 34 پلە دەبێت.
- بەرزترین پلەی گەرما لە گەرمیان بە 43 پلە و نزمترین پلەش لە حاجی ئۆمەران بە 28 پلەی سیلیزی تۆمار دەکرێت.
پێشبینییەکانی کەشوهەوای سبەی یەکشەممە (13-09-2026)
بۆ سبەی یەکشەممە، ئاسمانی ناوچەکە هاوشێوەی ئەمڕۆ ساماڵ دەبێت لەگەڵ دروستبوونی پەڵەهەور و نیمچە هەور لە کاتەکانی ئێوارەدا لە چەند ناوچەیەک؛ خێرایی با لەسەرخۆ بۆ مامناوەند دەبێت بە 10 بۆ 20 کم/ک و مەودای بینین 8 بۆ 10 کیلۆمەتر دەبێت. پلەکانی گەرما هاوشێوەی ئەمڕۆ دەبن لەگەڵ بەرزبوونەوەی یەک پلە لە هەندێک ناوچەدا، بە جۆرێک لە هەولێر، چەمچەماڵ، زاخۆ و ئاکرێ دەگاتە 39 پلە، سلێمانی 37 پلە، دهۆک و هەڵەبجە 38 پلە، پیرمام 35 پلە، حاجی ئۆمەران 30 پلە، و لە گەرمیان بەرزترین ئاست تۆمار دەکرێت کە 44 پلەی سیلیزییە.
زانیاری زیاتر بۆ تۆ
یونسێف: بەهۆی دیاردەی گۆڕانی کەشوهەوا کچان ڕووبەڕووی مەترسیی زیاتر دەبنەوە
3 کاتژمێر پێش ئێستا