دادگای فیدراڵی لەسەر سێ داوای تایبەت بە هەرێم کۆدەبێتەوە

پووختەی هەواڵەکە:

دادگای باڵای فیدراڵیی عێراق ڕۆژی یەکشەممە دادبینی لەسەر 3 داوای یاسایی دژی حکومەت و پەرلەمانی کوردستان ئەنجام دەدات.

داواکان داوای گۆڕینی حکومەتی هەرێمی کوردستان بۆ کاربەڕێکەر و هەڵوەشاندنەوەی پەرلەمان دەکەن.

لە سکاڵاکاندا داواکراوە دەسەڵاتی گرێبەستە ستراتیژییەکان لە کەرتی نەوت، غاز و کارەبا لە حکومەت بسەنرێتەوە.

نزیکەی 2 ساڵ پەککەوتن و کۆنەبوونەوەی پەرلەمانی کوردستان هۆکاری تۆمارکردنی داوا یاساییەکانە.

بڕیارە دادگای باڵای فیدراڵی لە بەغداد چارەنووسی دەسەڵاتە دەستوورییەکانی کابینەی مەسرور بارزانی و پەرلەمانی کوردستان یەکلابکاتەوە. سێ سکاڵای جیاواز کە لەلایەن پەرلەمانتارانی ئۆپۆزسیۆنەوە تۆمارکراون، ئامانجیان سەندنەوەی شەرعیەتی بڕیاردانە لە سەرجەم گرێبەستە ستراتیژییەکانی نەوت و سامانە سروشتییەکان. دەرچوونی هەر بڕیارێک لە دژی دەسەڵاتەکانی هەولێر، دەستبەجێ قەوارەی حکومەت بۆ کاربەڕێکەری ڕۆژانە دادەبەزێنێت.

ناوەڕۆک و داواکاریی سکاڵاکانی دژی حکومەت و پەرلەمان:

سکاڵای ڕێبوار ئەوڕەحمان، پەرلەمانتاری نەوەی نوێ دژی سەرۆکوەزیرانی هەرێم بە مەبەستی ڕێگریکردن لە ئەنجامدان یان هەڵوەشاندنەوەی گرێبەستی ستراتیژی لە کەرتەکانی نەوت، غاز، کارەبا و سامانە سروشتییەکان.

سکاڵای عەلی حەمەساڵح، ئەندامی خولی 6ـەمی پەرلەمان دژی سەرۆکی تەمەن بۆ دەرکردنی بڕیاری نادەستووریبوونی بەردەوامیی پەرلەمان بەهۆی پەککەوتنی دانیشتنەکان بۆ ماوەی نزیکەی 2 ساڵ.

سکاڵای دووەمی عەلی حەمەساڵح دژی مەسرور بارزانی بۆ گۆڕینی فەرمیی حکومەتی هەرێمی کوردستان بۆ کاربەڕێکەری ڕۆژانە بەهۆی تەواوبوونی تەمەنی یاسایی.

ڕەهەندی یاسایی دادگای فیدراڵی و لێکەوتە دەستوورییەکان:

دانیشتنەکەی دادگای باڵای فیدراڵی لە کاتێکدایە کە دامەزراوەکانی هەرێمی کوردستان بەهۆی نەگەیشتن بە ڕێککەوتنی کۆتایی لەسەر پێکهێنانی کابینەی نوێ ڕووبەڕووی ڕەخنەی یاسایی بوونەتەوە؛ بەوپێیەی لە ئەگەری پەسەندکردنی ئەم داوایانە لەلایەن دادگاوە، دەسەڵاتەکانی حکومەت لە بڕیاردانی دارایی دوورمەودا پەکدەخرێن و پەرلەمانیش لە بەردەم هەڵوەشاندنەوەی تەواوەتی دەسەڵاتەکانیدا دەمێنێتەوە.

زانیاریی زیاتر بۆ تۆ:

ئامانج ڕەحیم: بڕیاری دادگای فیدراڵی کلیلی چارەسەری مووچەیە

دادگای فیدراڵی کاتی یەکلاکردنەوەی چارەنووسی کابینەی نۆی دیاریکرد

دادگای فیدراڵی سکاڵایەک لەسەر حکومەتی کاربەڕێکەری هەرێم تاوتوێدەکات

نەوەی نوێ لە دادگای فیدراڵی؛ هەوڵ بۆ پوچەڵکردنەوەی بڕیارەکانی کابینەی نۆ دەستیپێکرد

دامەزراوەی پەی: ئەگەر پەرلەمان دەست بە دانیشتنەکانی نەکات، لە دادگای فیدراڵی سکاڵا تۆمار دەکەین