خوێندنی باڵای هەرێمی کوردستان و عێراق لەسەر کردنەوەی زانکۆیەک لە خانەقین ڕێککەوتن
پووختەی هەواڵەکە:
- زانکۆکەی خانەقین سەر بە عێراق دەبێت و ئەمساڵ خوێندکارانی هەرێمیش وەردەگرێت.
- عێراق دان بە زانکۆی گەرمیان و بڕوانامەی خولەکانی پێشوودا دەنێت.
هەردوو دووشاندى وەزارەتى خوێندنى باڵاى هەرێمى کوردستان و حکومەتى فیدراڵ، بە بەشداریی ژمارەیەک لە ئەندامانى ئەنجوومەنى نوێنەران کۆبوونەوە، تیایدا بڕیاردرا زانکۆیەک لە خانەقین دروستبکرێت و حکومەتى فیدراڵ بەفەرمى دان بە زانکۆى گەرمیان بنێت.
ڕێککەوتن لەسەر زانکۆکەی خانەقین و چۆنێتی ڕەزامەندی کردنەوەی
- هەردوولا ڕێککەوتن لەسەر کردنەوەی زانکۆیەک لە خانەقین و زانکۆکە سەر بە حکومەتی فیدراڵ دەبێت. هەروەها ئەمساڵ خوێندکارانى نیشتەجێى هەرێمى کوردستانیش وەردەگرێت.
- عێراق دان دەنێت بە زانکۆی گەرمیان و بڕوانامەی سەرجەم خولەکانی پێشووی
- هەر لە بڕیارەکاندا هاتووە، عێراق دان بە زانکۆی گەرمیان و بڕوانامەى دەچووانی سەرجەم خولەکانی پێشوودا دەنێت.
- بڕیاری کۆتایی لای ئەنجوومەنی وەزیرانی هەرێمی کوردستان دەبێت بۆ ڕەزامەندی و چوونە بواری جێبەجێکردنەوە.
سروە محەممەد ئەندامى ئەنجوومەنى نوێنەرانى عێراق دەقى بڕیار و ناوەڕۆکى کۆبوونەوەکەى بڵاوکردەوە کە تێیدا هاتووە، هەردوولا ڕێککەوتن لەسەر کردنەوەی زانکۆیەک لە خانەقین و زانکۆکە سەر بە حکومەتی فیدراڵ دەبێت. هەروەها ئەمساڵ خوێندکارانى نیشتەجێى هەرێمى کوردستانیش وەردەگرێت.
هەر لە بڕیارەکاندا هاتووە، عێراق دان بە زانکۆی گەرمیان و بڕوانامەى دەچووانی سەرجەم خولەکانی پێشوودا دەنێت.
هەردوو شاندى هەرێمى کوردستان و حکومەتى فیدراڵ بڕیارى کۆتاییان هێشتووەتەوە بۆ ئەنجوومەنی وەزیرانی هەرێمى کوردستان و تێیدا هاتووە، وەزیرى خوێندنى باڵاى هەرێمى کوردستان ئەم ڕێککەوتنە دەخاتەبەردەم ئەنجوومەنى وەزیرانى هەرێمى کوردستان بۆ وەرگرتنى ڕەزامەندی و ئەگەر ڕەزامەندى درا، دەخرێتە بوارى جێبەجێکردن.
زانکۆى گەرمیان حەوت کۆلێژ و 34 بەشى هەیە و یەکێک لە کۆلێژەکانى زانکۆکە لە شارۆچکەى خانەقینە و سەرجەم ستاف و پێداویستى ئەو کۆلێژە کە دەکرێتە بنەماى دامەزراندنى زانکۆى خانەقین لەلایەن هەرێمى کوردستانەوە دابینکراوە.
زانیاری زیاتر بۆ تۆ
زانکۆی پۆلیتەکنیکی گەرمیان هەزار و 100 خوێندکاری وەرگرتووە؛ پێنج بەشی نوێی کردووەتەوە
سروە محەممەد: گرفتی بەڵگەنامە فەرمییەکانی زیاتر لە 4 هەزار خێزانی خانەقین چارەسەرکراوە
45 خولەک پێش ئێستا