پووختەى ڕاپۆرتەکە:

• سەرما و سۆڵە دەستیپێکردووە و نەوتیش کەمە.
• بەهۆی دابەشنەکردنی نەوت خواست لەسەر سۆپای دار زیادیکردووە.
• حکومەت هیچ وادەیەکى بۆ دابەشکردنى نەوت دیارینەکردووە و داربڕینیش لە هەندێک ناوچە سەریهەڵداوە.

---

لەگەڵ نزیکبوونەوەی وەرزی سەرما و دابەشنەکردنی نەوتی سپی لەلایەن حکومەتەوە، بازاڕی دروستکردن و فرۆشتنی سۆپای دار لە پارێزگای دهۆک گەرم بووە، هاونیشتمانییان ناچار بوون بۆ خۆگەرمکردنەوە پەنا بۆ ئەم جۆرە سۆپایانە ببەن، بەتایبەت لە ناوچە چیاکاندا.

---

شکاک سەلیم، وەستای دروستکردنی سۆپای دار:

• ڕۆژانە نزیکەی 10 سۆپای دار دروست دەکەم.
• بازاڕی کڕین و فرۆشتنی سۆپای دار زیادیکردووە.
• ئێستا ڕۆژانە سێ بۆ چوار سۆپا دەفرۆشم.

ئەمەش لەکاتێکدایە، لە ئێستادا نرخی بەرمیلێک نەوتی سپی لە سنووری پارێزگای دهۆک زیاتر لە 300 هەزار دینارە.

زانیاریى زیاتر بۆ تۆ:

سامانە سروشتییەکان بۆ دابینکردنی نەوتی سپی چاوەڕێی بەغدادە

وادەی دابەشکردنی نەوتی سپی نادیارە و بەرمیلێک بە 275 هەزارە

داربڕین بەهۆى قەیرانى سووتەمەنى لە سۆران بەردەوامە و پۆلیس 35 کەسی دەستگیرکردووە