بەڕێوەبەرایەتیى گشتیى کەشناسی و بوومەلەرزەزانیی هەرێمی کوردستان رایدەگەیەنێت "لە چەند رۆژى داهاتوودا سەنتەرى پارێزگاکان لە 30 پلە زیاتر دەبێت و ناوچە شاخاوییەکان لەنێوان 25-27 پلەى سیلیزى دەبێت".
بەڕێوەبەرایەتیى گشتیى کەشناسی و بوومەلەرزەزانیی هەرێمی کوردستان، لە راگەیەندراوێکیدا کەشى پێشبینیکراوى 48 کاتژمێرى داهاتووی بۆ رۆژی سێشەممە 16- 04- 2024 بڵاوکردەوە.
بەگوێرەی پێشبینییەکان، ئاسمان ساماڵ و پەڵە هەور دەبێت، خێرایى با لەسەرخۆ بۆ مام ناوەند و 10 – 20 کم/س دەبێت .
هەر بەگوێرەی راگەیەندراوەکە، پلەکانی گەرما کەمێک بەرز دەبێتەوە بەراورد بە تۆمارکراوەکانی دوێنێ .
بەڕێوەبەرایەتیى گشتیى کەشناسی و بوومەلەرزەزانیی هەرێمی کوردستان دەڵێت، "سبەینێ چوارشەممە 17ی نیسان،
ئاسمان ساماڵ و پەڵە هەور دەبێت و پلەکانی گەرما کەمێک بەرز دەبێتەوە بە نزیکەى 1-2 پلە بەراورد بە تۆمارکراوەکانی ئەمڕۆ .
لە راگەیەندراوەکەدا هاتووە، بەرزترین پلەکانی گەرمای پێشبینیکراو بە پلەی سیلیزی بەمجۆرە دەبێت:
هەولێر : 28
سلێمانی : 27
دهۆک : 27
هەڵەبجە : 27
کەرکوک : 31
بەڕێوەبەرایەتیى گشتیى کەشناسی و بوومەلەرزەزانیی هەرێمی کوردستان لەکۆتایی راگەیەندراوەکەیدا دەشڵێت "لە چەند رۆژى داهاتوودا سەنتەرى پارێزگاکان لە 30 پلە زیاتر دەبێت و ناوچە شاخاوییەکان لەنێوان 25-27 پلەى سیلیزى دەبێت".