ڕاگەیاندن و پەیوەندییەکانى عێراق دوو مەرجى بۆ کارکردنەوەى کۆرەک تیلیکۆم هەیە

پووختەى هەواڵەکە

سەرۆکى دەستەى ڕاگەیاندن و پەیوەندییەکانى عێراق دەڵێت دووبارە کارکردنى کۆڕەک تێلیکۆم مەرجدارە بە دوو ڕێکار و سێیەمى نییە.
ڕاگەیاندن و پەیوەندییەکانى عێراق: دوو ڕێکارەکەش بریتیین لە پێشکەشکردنى ئەستۆپاکى باج و پێدانى 500 ملیار دینار بە دەستەکەیان کە یەک لەسەرچوارى شایستەکانە.
دەستەى ڕاگەیاندن: دۆسیەى کۆڕەک بە ڕەهایى دۆسیەیەکى هونەرى و داراییە نەک سیاسى.

بەلیغ ئەبوکەلەل، سەرۆکى جێبەجێکارى دەستەکە، لە ئاهەنگى دەستپێکردنى خولى پێنجەمى پێشانگەى (ئایتێکس 2026)، لە بەغداد، ئاماژەى بە هەردوو بابەتى حزمەتگوزاریى نەوەى پێنجەم و کۆڕەک تێلیکۆم کرد.

دۆسییەى کۆڕەک

بەلیغ ئەبوکەلەل: دۆسیەى پەیوەندییەکان، لە ڕووى رێکخستن و مۆڵەتێدان و ئیدارەدانى فریکوێنسەکان، دۆسیەیەکى فیدراڵى خاوەن مەرجەعییەتى نیشتمانییە، هەرێمى کوردستان و تەواوى پارێزگاکانى عێراق دەگرێتەوە، بە پشت بەستن بە دەستوور و یاسا.
یەکەى ڕێکخستن لەسەر بنەماى هاوکاری و هەماهەنگى لەگەڵ حکومەتى هەرێمى کوردستان و لایەنە ناوخۆییەکان دەبێت.
سەرۆکى جێبەجێکارى دەستەى ڕاگەیاندن و پەیوەندییەکانى عێراق: دووبارە کارکردنەوەى کۆڕەک تێلیکۆم، مەرجدارە بە دوو ڕێکار و سێیەمى نییە، ڕێکارى یەکەم بریتییە لە پێشکەشکردنى ئەستۆپاکى باج لە وەزارەتى داراییەوە.
دووەمیش پێدانى500 ملیار دینارە بە دەستەکەیان کە یەک لەسەر چوارى شایستەکانە وەک نیازپاکی.
دواتریش پێدانەوەى پاشماوەى شایستەکان لە چوارچێوەى گرێبەستێکى نوێى پاکتاوکردن.
دەستەى ڕاگەیاندن و پەیوەندییەکانى عێراق داوا لە حکومەتى هەرێمى کوردستان و وەزارەتى گواستنەوە و گەیاندنى هەرێمى کوردستان کرد، لە چارەسەرکردنى بابەتەکە بەشداربن.
ئەبوکەلەل: دۆسیەى کۆڕەک تێلیکۆم، بە ڕەهایى دۆسیەیەکى هونەرى و داراییە نەک سیاسى، هۆشداریشى دایە کۆمپانیاکانى پەیوەندى کە لە هەرێمى کوردستان کاردەکەن و مۆڵەتیان نییە، بە پێویستیزانى دەستپێشخەریی بکەن بۆ چاککردنى دۆخى یاساییان بەر لە کەڵەکەبوونى کێشەکان و فراوانبوونى لێکەوتەکانیان.

ئەوە لە کاتێکدایە، لە 9ـى ئابى ڕابردوو، دەستەی ڕاگەیاندن و پەیوەندییەکانی عێراق بڕیاریدا بە ڕاگرتنی کاری کۆڕەک تیلیکۆم لە سەرانسەرى عێراق.

زانیارى زیاتر بۆ تۆ

دەستەی ڕاگەیاندن و پەیوەندییەکانی عێراق بڕیاریدا بە ڕاگرتنی کاری کۆڕەک تیلیکۆم

دادگای ڕەسافە ئەو فەرمانە سالارییەی هەڵوەشاندەوە کە لە بەرژەوەندى کۆڕەک دەرکرا بوو

سەرچاوەیەک لە کۆڕەک تیلیکۆم: ئامادەین بەشێک لە قەرزی 1.3 ملیار دۆلارییەکە بدەینە بەغداد

عێراق داوایەک ئاڕاستەی بەکارهێنەرانی کۆڕەک تیلیکۆم دەکات

کۆمیسیۆنى ڕاگەیاندن: ڕێکارەکان بۆ کۆتاییهێنان بە دۆسیەی کۆڕەک تیلیکۆم تەواوکراون