سەرۆکی شارەوانیی سلێمانی: خۆمان بۆ قۆناغی داهاتووی دابەشکردنی زەوی ئامادە دەکەین
پووختەی هەواڵەکە:
- لەیلا عومەر: نیگەرانین لە خاو بەڕێوەچوونى کارەکانى گۆڕینى ڕەگەزى زەوییەکان
- بە گوێرەی ڕێنماییەکان دەبوایە پێش ئیفرازکردن زەوییەکان خزمەتگوزارییە بنەڕەتییەکانی هەبوایە
- پرۆسەکە پێچەوانەیە زەوییەکە ئیفراز دەکرێت دواتر خزمەتگوزاری بۆ دابیندەکرێت
زانیارییەک گەیشتووەتە کەناڵ8، کە سەرەڕای بوونی تێبینی لەسەر چۆنیەتی زەوی دابەشکردن، بەڵام پرۆسەکە لە پارێزگای سلێمانی بەردەوامە و زیاتر لە 23 هەزار پارچە زەوی بەسەر فەرمانبەراندا دابەشکراوە.
لەیلا عومەر، سەرۆکی شارەوانیی سلێمانی بە کەناڵ8ـى ڕاگەیاند، هەرچەندە بەگوێرەی ڕێنمایەکان، دەبێت زەوییەکان خزمەتگوزاریی ئاو، ئاوەڕۆ، قیر و کۆنکرێتی بۆ دابینبکرێت دواتر ئیفراز بکرێت، بەڵام ئێستا ئەو پرۆسەیە پێچەوانەیە، زەوییەکە ئیفراز دەکرێت، دواتر خزمەتگوزاریی بۆ دابیندەکرێت.
ئامادەکارییەکان لە زاری سەرۆکی شارەوانی سلێمانییەوە
- خۆئامادەکردن بۆ قۆناغی داهاتووی دابەشکردنی زەوی
- نیگەرانی لە خاو وەڵامدانەوەی وەزارەتەکانی دارایی و کشتوکاڵ
سەرۆکى شارەوانیی سلێمانی گوتیشى، خۆیان ئامادە دەکەن بۆ قۆناغی داهاتووی دابەشکردنی زەوی بۆ ئەو شوێنانەی کە ڕێکارەکانیان تەواوکراوە.
لەیلا عومەر باسی لەوەشکرد، نیگەرانن لە خاو وەڵامدانەوەی هەردوو وەزارەتى دارایی و کشتوکاڵ، بۆ دەستهەڵگرتن لە زەوییەکان، تاوەکو شارەوانی بتوانێت مامەڵەیان پێوەبکات و پڕۆسەکە خێرا بکرێت.
لە بارەی تاپۆکردنی خانووەکانی گەڕەکی تووە سپی
لەبارەی تاپۆکردنی خانووەکانی تووەسپی، لەیلا عومەر ئەوەی خستەڕوو، دەبێت ئەو ناوچانە بهێنرێنە ناو سنووری سەرۆکایەتی شارەوانیی سلێمانییەوە و دواتر زەوییەکان تاپۆدەکرێن، گوتیشی، لەئێستادا هەوڵەکانیان بۆ تاپۆکردنى خانووەکانى ئەو گەڕەکە بەردەوامە و دواى بڵاوکردنەوەى، تانە لەسەر تاپۆکردنى خانوو و زەوییەکان نەبوو، کارەکان دەستپێدەکەن.
زانیاری زیاتر بۆ تۆ
لەیلا عومەر: لە سلێمانی 20 هەزار پارچە زەوى دابەشدەکرێن
لەیلا عومەر بۆ کەناڵ8: زەوی ئیفرازکراومان بۆ هەموو فەرمانبەران نییە
شارەوانیى سلێمانى: لە ئەمڕۆوە 13 هەزار پارچە زەوى تاپۆ دەکەین
1 کاتژمێر پێش ئێستا