پووختەی هەواڵەکە:

• خۆپیشاندانەکەى زیقار دژى خراپى دۆخى کارەبا بوو

• خۆپیشاندانەکەى بەغداد بۆ دامەزراندنى دەرچووانى بەشە پزیشکییەکان بوو

• لە هەردوو خۆپیشاندانەکەدا گرژیى و پێکدادان دروست بوو

• هێزە ئەمنییەکان بە بەکارهێنانى هێز خۆپیشاندەرانیان بڵاوە پێکرد

• بەهۆى پێکدادانەکان چەند خۆپیشاندەرێک بریندار بوون

---

زانیارییەک گەیشتووەتە کەناڵ8هەریەک لە پارێزگاکانى زیقار و بەغداد خۆپیشاندانى بەرفراوانیان بەخۆیەوە بینى دژ بە خراپى کارەباى نیشتمانى و دەرچووانى بەشە پزیشکییەکان کە داواى دامەزراندنیان دەکرد.

---

 خۆپیشاندان دژی خراپی دۆخی کارەبا

• کەمبوونەوەی کارەبا لەو پارێزگایە لە کاتێکدا پلەکانی گەرما زۆر بەرزن

• ناڕەزایەتی دژی کەمبوونەوەی پێدانی کارەبای نیشتمانی و بڕینی بەردەوام

• داواکردن بۆ دوورخستنەوەی بەرپرسانی کارەبای شارەکە

لە پارێزگاى زیقار خۆپیشاندانێکى بەرفراوان دژى خراپى دۆخى کارەبا بەڕێوەچوو لە کاتێکدا کە پلەکانى گەرما زۆر بەرزن و هاوڵاتیان بۆ خۆفێنکردنەوە پێویستییان بە وزەى کارەبا هەیە.

خۆپیشاندەران ناڕەزایەتیان دەربڕى لە کەمبوونەوەى پێدانى کارەباى نیشتمانى و بڕینى بەردەوامى کارەبا لە هاوڵاتیان بۆ ماوەیەکى زۆر ئەمە جگە لە تێکچوونى ستونەکانى کارەبا.

داخستنی چەند شەقامێکی ناوەندی شای ناسریە

خۆپیشاندەران لە ڕێگەى سووتاندنى تایەى ئۆتۆمبێلەوە چەند ڕێگە و شەقامێکى سەرەکییان لە ناوەندى شارى ناسڕییە گرت و هەروەها خۆپیشاندانەکان درێژ بووەوە بۆ شارۆچکە و شارەدێکانى دیکەى پارێزگاکە و هەروەها خۆپیشاندەران داواى دوورخستنەوەى بەرپرسانى کارەباى شارەکەیان دەکرد.

پێکدادان و ڕووبەڕووبوونەوە

بۆ بڵاوەپێکردنى خۆپیشاندەران لە چەند ناوچەیەکى ئەو پارێزگایە هێزە ئەمنییەکان لەگەڵ خۆپیشاندەران ڕووبەڕووى پێکدادان بوونەوە و گرژیى و توندوتیژى لێکەوتەوە و بووە هۆى برینداربوونى چەند خۆپیشاندەرێک.

خۆپیشاندانی دەرچووانی بەشە پزیشکییەکان لە بەغداد

هاوکات لە بەغداد لە بەردەم بیناى وەزارەتى تەندروستى عێراق و لە گۆڕەپانى تەحریر خۆپیشاندانێکى بەرفراوانى دەرچووانى بەشە پزیشکییەکان بەڕێوەچوو و بۆ بڵاوەپێکردنى خۆپیشاندەران هێزە ئەمنییەکان هێزیان بەکارهێنا و لە ئەنجامدا پێکدادان لەنێوانیان ڕوویدا و چەند کەسێک برینداربوون.

خۆپیشاندەران بریتى بوون لە دەرچووانى کۆلێژە پزیشکییەکانى ساڵانى خوێندنى 2023 و 2024و 2025 کە داواى دامەزراندنیان دەکرد.

زانیاری زیاتر بۆ تۆ

بریکاری وەزارەتی کارەبای عێراق بەتۆمەتی گەندەڵی دەستگیرکرا

دەستەى دەستپاکیى عێراق دەستبەسەرداگرتنى زێڕ و پارەى دیکەى ڕاگەیاند

وەزیری کارەبای عێراق داوای لێکۆڵینەوە لە سامانی بەرپرسانی پێشووی وەزارەتەکەی دەکات

عێراق بەرهەمهێنانی کارەبا بۆ 35 هەزار مێگاوات زیاد دەکات

عێراق و کارەبا؛ 8 تریلیۆن بۆ مووچە و 46 تریلیۆن دینار بۆ گرێبەستەکان خەرجکراوە