پووختەی هەواڵەکە:

• یەکی تشرینی یەکەم وەک وادەی دەستپێکردنی وەرگرتنی پێشوەختەی ڕەسمی گومرگی و باج دیاریکرا.

• بڕیاردرا بە لابردنی پاڵپشتیی نرخ لەسەر بەرهەمە نەوتییەکان جگە لە سووتەمەنییە سەرەکییەکانی هاووڵاتیان.

• وەزیری نەوت دەسەڵاتی فراوانکردنی ڕێڕەوەکانی گواستنەوە و نوێکردنەوەی گرێبەستەکانی پێدرا.

• میکانیزمی نوێی هەناردەی نەوت لە ڕێگەی کۆمپانیا نێودەوڵەتییەکانەوە بۆ ماوەی سێ مانگ پەسەندکرا.

---

زانیارییەک گەیشتووە بە کەناڵ8 ئاشکرای دەکەن عێراق دەچێتە قۆناغێکی نوێی ئابوورییەوە کە تێیدا لە یەکی تشرینی یەکەمی 2026ـەوە هیچ هاوردەکارێک ناتوانێت پارە بۆ دەرەوە حەواڵە بکات، تاوەکو پێشوەختە باج و ڕسومی گومرگی لە ڕێگەی سیستەمی ئەسیکۆدا و پارەدانی ئەلیکترۆنییەوە نەدات.

---

ئەنجوومەنی وەزیران و کەرتی نەوت:

• کڕینی نەوتی خاو بەپێی نرخی سۆمۆ یان نرخی ناو بودجە بە داشکاندنی 30% دەبێت.

• لە یەکی ئەیلوولی 2026ـەوە پاڵپشتیی نرخ لەسەر بەرهەمە نەوتییەکانی سەرجەم کەرتەکان لادەبرێت، جگە لە بەنزین، گازوایل، نەوتی سپی و غازی شل.

• گرێبەستی هەناردەی نەوت لە ڕێگەی کۆمپانیا جیهانی و ناوخۆییەکانەوە بۆ ماوەی سێ مانگ دەبێت و لە یەکی ئەیلوولەوە دەستپێدەکات.

• وەزیری نەوت دەسەڵاتی هاوردەکردنی بەرهەمە نەوتییەکانی پێدراوە لە کاتی پێویستدا بۆ ڕێگریکردن لە دروستبوونی هەر قەیرانێکی سووتەمەنی.

باج و ڕێکارە داراییەکان:

حکومەتی عێراق بڕیاریداوە پڕۆسەی کۆکردنەوەی داهاتی ناوخۆ توندتر بکاتەوە؛ بەپێی بڕیارە نوێیەکە، هاوردەکاران دەبێت بڕی پارەی گواستنەوەی دەرەکی لە بانکە مۆڵەتپێدراوەکان دابنێن و پارەکە ناگوێزرێتەوە تاوەکو ڕەسمی گومرگی و ئەماناتی باجی خەمڵێنراو نەدەن. ئەم سیستەمە ئامانجی ڕێکخستنەوەی بازاڕ و ڕێگریکردنە لە فێڵی باجی، و لە یەکی تشرینی یەکەمی 2026ـەوە دەچێتە بواری جێبەجێکردنەوە.

زانیاریی لەسەر بڕیارەکان:

ئەم بڕیارانە لە پانزەیەمین کۆبوونەوەی ئاسایی ئەنجوومەنی وەزیران بە سەرۆکایەتی عەلی زەیدی دەرچوون. تێیدا جەخت لەسەر زیادکردنی تواناکانی هەناردەکردن و هاوردەکردن و پتەوکردنی ژێرخانی ئابووریی وڵات کراوەتەوە، هاوکات دەسەڵاتی تەواو دراوەتە وەزارەتی نەوت بۆ نوێکردنەوەی گرێبەستەکان و دۆزینەوەی ڕێڕەوی نوێی گواستنەوە بۆ نەوتی عێراق لە ڕێگەی دەروازە جیاوازەکانەوە.

زانیاری زیاتر بۆ تۆ

ئەنجوومەنی وەزیرانی عێراق بڕیاری نوێی لەبارەی دۆسیەکانی نەوت و ئاو و خوێندن دەرکرد

پرسی سووتەمەنی و شایستە داراییەکانی هەرێم لە بودجەی 2027 دەبرێنە ئەنجوومەنی وەزیران

ئەنجوومەنی وەزیرانی عێراق لەکۆبوونەوەی ئاسایی خۆیدایە؛ بڕیار لەسەر داهاتی نانەوتی دەدرێت

نهێنیی هەرزانیی بەنزین و نەوت لە عێراق و گرانییەکەی لە هەرێمی کوردستان چییە؟

گەڕانەوە بۆ سەردەمی کۆبۆن؛ هەولێر قەیرانی بەنزین بە ئەلیکترۆنی چارەسەر دەکات؟