لێکتێگەیشتنی سیاسی بۆ ڕەوانەکردنی پڕۆژەیاسای نەوت و غاز دروستبووە
پووختەی هەواڵەکە:
- دوای نزیکەی دوو دەیە لە ناکۆکی، لێکتێگەیشتنی سیاسی بۆ ناردنی پڕۆژەیاسای نەوت و غاز بۆ پەرلەمان دروست بووە.
- هاوپەیمانیی بەڕێوەبردنی دەوڵەت کۆدەنگە لەسەر ئەوەی پڕۆژەیاساکە لە خولی ئێستای پەرلەماندا پەسەند بکرێت.
- پڕۆژەیاساکە دەسەڵاتی بەرهەمهێنان و بەڕێوەبردنی داهاتی نەوت لەنێوان هەرێمی کوردستان و بەغداد یەکلادەکاتەوە.
- لە دوای ساڵی 2005ـەوە چوار جار ڕەشنووسی یاساکە ئامادەکراوە، بەڵام بەهۆی ململانێی سیاسییەوە پەسەند نەکراوە.
هێزە سیاسییەکانی عێراق گەیشتوونەتە لێکتێگەیشتنێکی بەرایی تاوەکو دوای نزیکەی 20 ساڵ گرێکوێرەی پڕۆژەیاسای نەوت و غاز بکەنەوە و ڕەوانەی پەرلەمانی بکەن. ئەم هەنگاوە دەروازەیەکە بۆ کۆتاییهێنان بە ناکۆکییە درێژخایەنەکانی نێوان بەغداد و هەولێر لەسەر کەرتی وزە، بە مەبەستی ڕێکخستنەوەی دەسەڵاتی دەرهێنان و دابەشکردنی داهاتی نەوت لە سەرانسەری وڵاتدا.
هاوپەیمانیی بەڕێوەبردنی دەوڵەت و فراکسیۆنە پەرلەمانییەکان
- هاوپەیمانیی بەڕێوەبردنی دەوڵەت لە دوایین کۆبوونەوەیدا جەختی لەسەر پێویستیی ناردنی پڕۆژەیاساکە بۆ ئەنجوومەنی نوێنەران کردووەتەوە تاوەکو لەم خولەدا پەسەند بکرێت.
- عادل مەحلاوی، ئەندامی ئەنجوومەنی نوێنەران ئاشکرای کردووە کە ڕێککەوتنی سیاسی لەنێوان زۆربەی فراکسیۆنەکان هەیە بۆ تێپەڕاندنی یاساکە بە هەماهەنگی لەگەڵ حکومەت.
- لایەنە سیاسییەکان کۆدەنگن لەسەر ئەوەی ئەم یاسایە دەبێتە بنەمای ڕێکخستنی بەڕێوەبردنی سامانی نەوت و کۆتاییهێنان بە کێشەکانی نێوان حکومەتی فیدراڵ و هەرێمی کوردستان.
کێشەی دەسەڵاتەکان و مافی پارێزگا بەرهەمهێنەرەکان
ئەم پرۆژەیاسایە ڕاستەوخۆ دەسەڵاتی بەرهەمهێنان، بەڕێوەبردن و دابەشکردنی داهات لەنێوان ناوەند، هەرێمی کوردستان و پارێزگا بەرهەمهێنەرەکانی نەوت یەکلادەکاتەوە. هەرچەندە لە دوای ساڵی 2005ـەوە چوار جار ڕەشنووسی جیاوازی بۆ ئامادەکراوە، بەڵام ناکۆکی لەسەر سنووری دەسەڵاتی بەڕێوەبردن و دابەشکردنی داهاتەکان ڕێگربووە لەوەی یاساکە بخرێتە بەرنامەی کاری دانیشتنەکانی پەرلەمانەوە.
زانیاریی زیاتر بۆ تۆ
19 ساڵ و 4 ڕەشنووس؛ بۆچی یاسای نەوت و گاز بووەتە گرێکوێرەی پەیوەندییەکانی هەولێر و بەغداد؟
یاسای نەوت و گاز؛ ئەنجوومەنی فیدراڵی چییە و چۆن پێکدێت و دەسەڵاتەکانی هەرێم تێیدا چین؟
لە بەرامبەر وەزارەتی دەرەوە و دواخستنی یاسای نەوت و گاز؛ پارتی متمانە بە کابینەکەی زەیدی دەدات
چارەنووسی یاسای نەوت و گاز لە چاوەڕوانی سیاسییەکانى عێراق و هەرێمى کوردستان
2 کاتژمێر پێش ئێستا