بارەگاى بارزانى: بێبەرین لە شێوازى بەڕێوەچوونى دیدارى مێرى

پووختەى هەواڵەکە

بارەگاى بارزانى: جێگەى داخە دیدارى مێرى ئەمساڵ نەیتوانی بە شایستەیی لە بانگهێشتکردنى میوانان ڕەچاوى بەشەکانى دیکەى کوردستان بکات.
بارەگاى بارزانى: پێویست بوو نوێنەرانیی دۆزى میللەتى کورد لە بەشەکانى دیکەى کوردستان ڕەنگ بداتەوە.
بارەگاى بارزانى: ئەم جۆرە مامەڵەکردنە نیگەرانیی خەڵکى تێکۆشەرى بەشەکانى دیکەى کوردستانى لێکەوتووەتەوە.

لە بارەى بەڕێوەچوونى دیدارى مێرى 2026 لە شارى هەولێر، بارەگاى بارزانى، ڕاگەیێنراوێکى بڵاوکردەوە و بێبەریبوونى خۆی لە ئەنجامدانى دیدارى مێرى دووپاتکردووەتەوە و ئاماژەى بەوەکردووە، هیچ پەیوەندییەکى بەوانەوە نەبووە.

ناوەڕۆکى ڕاگەیێنراوەکەى بارەگاى بارزانى:

ئەم کۆڕبەندە نەیتوانى بە شایستەیی لە بانگهێشتکردنى میوانان و پانێڵەکاندا ڕەچاوى فرەلایەنیی سیاسیی و بەشدارى لایەنەکانى دیکەى کوردستان بکات.
لە دیدارێکی ئاوا گرنگدا، پێویست بوو نوێنەرایەتیی دۆزى میللەتى کورد لە بەشەکانى دیکەى کوردستان بەبەشدارى سەرجەم لایەنەکان ڕەنگ بداتەوە.
ئەم جۆرە مامەڵەکردنە نیگەرانیی خەڵکى تێکۆشەر و ڕەسەنى بەشەکانى دیکەى کوردستانى لێکەوتووەتەوە.
بووەتە هۆى قوڵکردنەوەى پەرتەوازەیی و دووبەرەکیی نێوان ڕۆڵەکانى گەلى کوردستان.
هەموو لایەک ئاگادار دەکەینەوە کە دیدارى مێرى، هیچ پەیوەندییەکى بە ئەوانەوە نییە.

دیدارى مێرى لە 12ـى تشرینى یەکەمى 2026، لە شارى هەولێر، بەبەشدارى زۆرێک لە لایەنە سیاسییەکان و ئەکادیمیستان و چاودێرانى سیاسیی و کەسایەتییە بەناوبانگەکان و نوێنەرى وڵاتان و بەشێک لە حیزبە کوردییەکان لە هەر چوار بەشەکەى کوردستان بۆ ماوەى دوو ڕۆژ بەڕێوەچوو، تیایدا پرسە گرنگەکان تایبەت بە دۆزى کورد لە هەر چوار بەشەکەى کوردستان و ئاڵنگارییەکان و دۆخى ناوخۆى ئەو وڵاتانەى کورد بوونیان هەیە تیایدا گەنگەشە کرا، هەروەها لەپاڵ ئەوەشدا پرسە گرنگە هەرێمییەکان و نێودەوڵەتییەکان و جەنگەکان و ئابووریی و کۆمەڵایەتیی لە لایەن میوانانى پانێڵەکانى دیدارەکەوە گەنگەشە کرا.

زانیاریی زیاتر بۆ تۆ

بافڵ جەلال تاڵەبانى بۆ پارتى: کێشەکانمان بچووکن و بە نیەتێکى پاکەوە وەرنەوە سەر مێزى گفتوگۆ

نێچیرڤان بارزانی: هەفتەی پێشوو یەکێتی و پارتی کۆبوونەوەی باشیان کردووە

نێچیرڤان بارزانى چیرۆکى بڕنەوەکەى گێڕایەوە

مەزڵوم عەبدى: کورد لە دروستکردنی دەوڵەتی سووریا پشتگوێخراوە

قوباد تاڵەبانی: لە کۆبوونەوەم لەگەڵ مەسرور بارزانی باسی شێوازی حوکمڕانیمان کرد

حەمەی حەمەسەعید: بافڵ تاڵەبانى ئەزموونێکی نوێی گۆڕەپانی سیاسییە

ڕێبەر ئەحمەد : عێراق وڵاتی پێکهاتەکانە و ناکرێت بە تەنیا بەڕێوەببڕێت