پووختەی هەواڵەکە

• بەرنامەی ڕاداری8 بەدواداچوونێکی وردی لەسەر سەوزە و میوەی بەرهەمهێنراوی ناوخۆی هەرێمی کوردستان ئەنجامدا.

• ئەنجامی پشکنینەکان سەلماندیان کە بەرهەمە ناوخۆییەکان شیاوی بەکارهێنانن و ماددە کیمیاییەکانیان لە ئاستی ئاساییدایە.

• هەرێمی کوردستان ڕۆژانە بڕێکی زۆر لە سەوزە و میوەی وەرزی بۆ شارەکانی ناوەڕاست و خوارووی عێراق هەناردە دەکات.

---

بەرنامەی ڕاداری8 بەدواداچوونێکی مەیدانی بۆ سەوزە و میوەی بەرهەمهێنراوی کێڵگەکانی هەرێمی کوردستان کردووە و دوای پشکنینی تاقیگەیی بۆ چەندین جۆریان، دەرکەوتووە کە کامڵ و شیاوی بەکارهێنانن و مەترسی تەندروستییان نییە.

---

شیاویی بەرهەمە ناوخۆییەکان

• پشکنین بۆ بەرهەمەکانی خەیار، تەماتە، کولەکە و دوو جۆر بیبەر ئەنجامدراوە.

• ئەو پەین و ماددە کیمیاییانەی بەکارهێنراون، ڕێژەکەیان ئاسایی و ستانداردە.

• ڕێژەی بەرهەمهێنراوی سەوزە و میوەکان زۆر باش بووە و مەترسی بۆ بەکارهێنەران دروستناکەن.

بڕی هەناردەکردن بۆ پارێزگاکانی عێراق

لە وەرزی هاویندا بەرهەمی سەوزە و میوە لە پێداویستیی ناوخۆ زیاترە، بەهۆیەوە ڕۆژانە نزیکەی 6 هەزار تۆن ڕەوانەی شارەکانی ناوەڕاست و خوارووی عێراق دەکرێت. لە مانگی ڕابردوودا بەپێی پارێزگاکان، ڕۆژانە لە هەولێر 3 هەزار و 700 تۆن، لە سلێمانی 1,500 تۆن و لە دهۆک 2 هەزار تۆن هەناردە کراوە.

زانیاریی زیاتر لەسەر بابەتەکە

بەرهەمە هەناردەکراوەکان بریتین لە زۆریی پەتاتە و پیاز، هەروەها بەڕێژەیەکی کەمتریش تەماتە، کولەکە، کاڵەک، خەیار، چەوەندەر، کەلەرم، ترۆزی، لۆبیا، شوتی، قۆخ، باینجان و سێو کە لە کێڵگەکانی هەرێمی کوردستانەوە ڕەوانەی ناوچەکانی ناوەڕاست و خوارووی عێراق دەکرێن.

زانیاریی زیاتر بۆ تۆ

میدیا و زانیاری: وەبەرهێنانی کشتوکاڵی گەیشتە %12 و هەرێم بەرەو خۆبژێوی هەنگاوی گەورە دەنێت

بەرهەمی ترێی هەرێمی کوردستان زیاتر لە 200 هەزار تۆنە

سەوزەی سلێمانی هەناردەی عێراق دەکرێت و باجی میوە کەمکرایەوە

ساڵانە یەک ملیۆن تۆن سەوزەواتی هەرێم ڕەوانەی عێراق دەکرێت

ڕزگار حەمە خدر: ڕۆژانە 6 بۆ 8 هەزار تۆن سەوزە و میوە دەنێرینە بەغداد

هەرێمی کوردستان لە پێنج بەرهەمی سەرەکی گەیشتە خۆبژێوی

بێگەرد تاڵەبانى: بەرهەمی ئەمساڵی پەتاتە بە 1 ملیۆن تۆن دەخەمڵێندرێت

عارف شێروانى: بەرهەمى هەنگوینى ئەمساڵى هەرێمى کوردستان 800 تۆن زیاتر دەبێت

هەڵەبجە؛ پایتەختی 17 جۆر هەنار و 10 بەرهەمی جیاواز

لە هەرێمی کوردستان وەرزی شکانەوە و کۆکردنەوەی ترشە